2015: ən çox nə axtarmışıq? - VİDEO

Ən böyük axtarış saytı olan “Google” 2015-ci ildə dünyanın müxtəlif yerlərində yaşayan insanların ən çox axtardığı və maraqlandığı mövzuların siyahısını hazırlayıb. Siyahının ilk pilləsində, Parisdə noyabr ayında baş verən terror hadisəsi yer alıb. Araşdırma nəticəsində məlum olub ki, bu mövzu ilə əlaqədəar “Google”a 897 milyon dəfə axtarış verilib.

Dünyanın ən nüfuzlu kino mükafatı sayılan “Oskar”ın 87-ci mükafatlandırma mərasimi isə, 496 milyon axtarış sayı ilə ikinci sırada yer alıb.

İlk üçlüyü “Ulduz müharibələri: Gücün oyanışı” filminin treyleri  tamamlayır.“Google”da il ərzində filmin treyleri ilə ümümilikdə 150 milyon insan maraqlanıb.Ən çox axtarılan məşhur isə, musiqiləri ilə qəlbləri fəth etməyi bacaran ingilis müğənni Adel olub. Qeyd edək ki, Adel uzun müddətli fasilədən sonra, bu ilin oktyabrında “Hello” mahnısı və klipi ilə səhnəyə qayıdıb. Onun yeni albomu olan “25”,   ABŞ tarixində  satış sayına görə rekord vurub.(atv/az)