Mask dünyanın ən varlı adamı titulundan məhrum oldu - Reytinqdə kimdir?
“Amazon”un qurucusu Ceff Bezos növbəti dəfə Elon Maskı qabaqlayaraq dünyanın ən varlı adamları siyahısında birinci yeri tutub. Bu, onun 2021-ci ilin payızından bəri milyarderlər reytinqinin zirvəsinə ilk qayıdışıdır.
Sfera.az bildirir ki, Ceff Bezos “SpaceX”in yaradıcısını ən azı 2 milyard dollar geridə qoyub.
Bezosun xalis sərvəti 200 milyard dollara çatıb. Maskın şəxsi sərvəti 198 milyard dollar, “LVMH”nin baş direktoru Bernard Arnaultun isə 197 milyard dollar dəyərindədir.
Bezos sərvətinin böyük hissəsini 1994-cü ildə Seattle qarajında qurduğu e-ticarət nəhəngi “Amazon”dan toplayıb. O, həmçinin “Blue Origin” kosmik şirkətini qurub, “The Washington Post”u 250 milyon dollara alıb.
Bezos səhmlərinin bir hissəsini “Amazon”a sataraq yenidən dünyanın ən varlı adamı kimi qeyri-rəsmi titul alıb. Bezos, ehtimal ki, vergi səbəbiylə son həftələrdə “Amazon” səhmlərini 8,5 milyard dollardan çoxa satıb.
Keçən il hazırda “Amazon”un icraçı sədri vəzifəsini icra edən Bezos Mayamidə mülk alıb. O, sevgilisi Lauren Sanchez ilə 500 milyon dollarlıq super yaxtasında vaxt keçirir. Onun sərvətinin 2024-cü ilin sonuna qədər təxminən 23 milyard dollar artacağı gözlənilir.
Maskın xalis sərvəti bu il 31 milyard dollar azalıb. Bu, əsasən onun elektrik avtomobil şirkəti “Tesla”nın səhmlərinin qiymətində azalma ilə əlaqələndirilir. Xatırladaq ki, “Tesla” səhmləri son bir ildə 24% ucuzlaşıb.
Xanım
Sfera.az
