Dünyanın ən yaşlı qadını alimlərin eksperimentində iştirak üçün razılıq verdi

Dünyanın ən yaşlı qadını alimlərin eksperimentində iştirak üçün razılıq verdi

Dünyanın ən yaşlı insanı, bu yaxınlarda 117 yaşını qeyd edən Maria Branas Morera uzunömürlülüyün sirrini açmaq üçün alimlərin eksperimentinə razılıq verib.

 

Sfera.az bildirir ki, bu barədə Ginnesin Rekordlar Kitabı məlumat verib. Bu yaşda bir qadının sağlamlığının əla vəziyyətdə olması alimləri çox maraqlandırıb. Alimlər uzunömürlülüyün sirlərini axtarmaq üçün onun orqanizmi üzərində araşdırmalara başlayıblar.

 

Qeyd edək ki, 2023-cü ilin yanvarında 118 yaşlı fransız rahibə Lucille Randonun ölümündən sonra Meri rəsmi olaraq dünyanın ən yaşlı insanı oldu. Yaşının çox olmasına baxmayaraq, qadın aktiv həyat tərzi keçirir, xüsusən X sosial şəbəkəsində müntəzəm olaraq paylaşımlar edir.


Mariyanın son 23 ildə yaşadığı Kataloniyadakı (İspaniya) qocalar evinin əməkdaşlarının dediyinə görə, eşitmə və dayaq hərəkətlərində kiçik problemlər istisna olmaqla, onun heç bir ciddi problemi yoxdur.

 

"Mariya dörd yaşından bəri baş verən hadisələri heyrətamiz aydınlıqla xatırlayır və yaşlı insanlara xas olan ürək-damar xəstəliklərindən heç biri yoxdur. Aydındır ki, bunda genetika əsas rol oynayır, çünki onun ailəsində yüz yaşı keçmiş insanlar var”-deyə müsahibəsində alim Manel Esteller bildirib.


Mariya nəticələrini 80 yaşlı qızının analizləri ilə müqayisə etmək üçün tüpürcək, qan və sidik nümunələri verməyə razılaşıb. Mütəxəssislər ümid edirlər ki, rekordçunun genlərinin öyrənilməsi qocalma ilə bağlı xəstəliklərin müalicəsi üçün dərmanlar yaratmağa da kömək edəcək.

 

1907-ci ildə San-Fransiskoda (ABŞ) anadan olan Mariya ispan qripi pandemiyasından, iki dünya müharibəsindən və İspaniya vətəndaş müharibəsindən sağ çıxıb. Qadın 1931-ci ildə kataloniyalı həkim Joan Moret ilə evlənərək, üç uşaq dünyaya gətirib. Onun 11 nəvəsi və 11 nəticəsi var. Yeganə oğlu Avqust anasından əvvəl dünyasını dəyişsə də, qızları yaşayır. 

 

2020-ci ildə Branas Morera Mariya koronavirusdan sağ çıxan ən yaşlı insan titulunu alıb. Lakin bu rekord statusu daha sonra ondan üç yaş böyük Lucille Randon təkrarlayıb.


Mariya indi tarixin ən yaşlı 12-ci insanıdır. O, daha bir il yaşasa, siyahı üzrə beşinci yerə yüksələ bilər. Yeri gəlmişkən, qeyd edək ki, indiyə qədərki uzunömürlülük rekordu 122 il 164 gün yaşayan fransız qadın Jeanne Calmentə məxsusdur.

 

Aysel

Sfera.az


OXŞAR XƏBƏRLƏR

Belə məğlub olmağa layiq deyildik - Qurbanov

Bu gün 0:3 hesabı ilə uduzmağa layiq deyildik.   Sfera.az xəbər verir ki, bunu "Qarabağ"ın baş məşqçisi Qurban Qurbanov İngiltərə təmsilçis...

XİN-dən 27 sentyabrla bağlı paylaşım

Azərbaycan Respublikasının Xarici İşlər Nazirliyi (XİN) X hesabında Vətən müharibəsinin başlanmasının 4-cü ildönümü ilə bağlı paylaşım edib.   Sfera....

Ölkənin baş iqtisadçısı sosial şəbəkədə Si Cin Pini tənqid etdikdən sonra yoxa çıxıb

Çində hökumətin beyin mərkəzinin aparıcı çinli iqtisadçısı yoxa çıxıb. Sfera.az bildirir ki, hökumətin analitik mərkəzinin eksperti Zhu Hengpeng “WeC...

Ədviyyatları seçərkən bunlara diqqət edin - Mixək, zəfəran...

Mağazalarda satılan ədviyyatları seçərkən bir qədər ehtiyatlı olmaq lazımdır. Bütün ədviyyatlar insan üçün tamamilə zərərsiz və ya faydalı ola bilməz.  ...

Daşkəsəndə səfərbərlik şöbəsinin rəisi həbs edildi

Səfərbərlik və Hərbi Xidmətə Çağırış üzrə Dövlət Xidmətinin (SHXÇDX) Daşkəsən rayon şöbəsinin rəisi, mayor Anar Əsgərov Azərbaycan Respublikası Hərbi Prokurorlu...

“Qarabağ” “Tottenhem”ə məğlub oldu - YENİLƏNDİ

“Qarabağ” Avropa Liqasının Liqa mərhələsində mübarizəyə başlayır.   Sfera.az xəbər verir ki, Ağdam təmsilçisi yeni formatda keçirilən yar...