Ermənistan Silahlı Qüvvələrinin (SQ) Baş Qərargah rəisi Edvard Asryan KTMT ilə bağlı açıqlama verib.

Sfera.az xəbər verir ki, onun sözlərini TASS sitat gətirib.

“Biz hələ KTMT-dən çıxmamışıq, bu qərarın mümkün nəticələri dövlət sirridir. ”, - deyə Asryan Təşkilatı tərk etməyin fəsadları ilə bağlı sualı cavablandırıb.

O, Rusiyadan silah tədarükü ilə bağlı sualları şərh etməyib və bu məlumatların həm də dövlət sirri olduğunu vurğulayıb.

Fevralın 28-də Ermənistanın Baş naziri Nikol Paşinyan ölkənin KTMT-də de-yure iştirakının dondurulmasının mümkünlüyünü açıqlayıb.

Martın 2-də Ermənistan Təhlükəsizlik Şurasının katibi Armen Qriqoryan ölkənin Rusiyadan asılılığını "strateji səhv" adlandırıb. 

Rusiya Xarici İşlər Nazirliyi Ermənistanla münasibətlərə yenidən baxılacağını açıqlayıb.

Əzizə Zeynal