"Hazırda ən yüksək səviyyədə heç bir danışıq planlaşdırılmayıb, lakin lazım gələrsə, təbii ki, telefon danışıqları tez bir zamanda təşkil oluna bilər". 

Sfera.az xəbər verir ki, bunu Rusiya prezidentinin mətbuat katibi Dmitri Peskov jurnalistlərdən birinin "İrəvanın KTMT-yə üzvlüyü məsələsi ilə bağlı Rusiya Federasiyası və Ermənistan liderləri arasında təmaslar nəzərdə tutulubmu?" sualını cavablandırarkən deyib.

Qeyd edək ki, Ermənistanın Baş naziri Nikol Paşinyan ötən həftə bildirib ki,  İrəvan KTMT-nin fəaliyyətlərində iştirakını dondurur. Paşinyan qeyd edib ki, hələlik bu, de-fakto edilir, lakin bunun de-yure olması mümkündür.

Bununla bağlı Rusiyanın xarici işlər naziri Sergey Lavrov ölkəsinin Ermənistanla münasibətlərinə yenidən baxa biləcəyini bəyan edib. Nazir qeyd edib ki, N.Paşinyan imtinaya səbəb kimi, KTMT-nin Azərbaycanı ittiham etməməsini göstərib.

Əzizə Zeynal