Ermənistanda Rusiya əleyhinə aksiyalar keçirilir. 

Bu barədə Sfera.az-a politoloq Məhəmməd Əsədullazadə məlumat verib. 

Politoloqun sözlərinə görə, Ermənistanda “Milli Demokratik Qütb” siyasi hərəkatının gənclər qanadı İrəvanın “Zvartnots” hava limanından Rusiya sərhədçilərinin çıxarılmasını tələb edib:

“Bu etiraz aksiyası hakimiyyət tərəfindən təşkil edilib və Rusiyaya qarşı ictimai etirazın başladılmasının tərkib hissəsidir. Bir neçə gün bundan əvvəl, hakim "Mülki Müqavilə" partiyasının funksionerləri və hakimiyyət rəsmiləri Rusiyanın İrəvan aeroportundan sərhəd xidmətinin çıxarılmasının vacibliyini qeyd ediblər. Artıq İrəvan küçələrində "Rədd olsun Rusiya" etirazları səslənir”. 

Ekspert bildirib ki, Ermənistanda Rusiya hərbçilərinin çıxarılması üçün ictimai kampaniya başlayıb: 

“Paşinyanın İrəvanda Rusiya hərbçilərinin çıxarılması üçün geniş xalq etirazını da təşkil etməsi mümkündür. Bu təzyiqlər qarşısında Rusiya İrəvan aeroportundakı sərhədçilərini çıxara bilər. Amma Moskvanın hərbçilərini ölkədən çıxarması gözlənilmir. Bu proses Ukrayna cəbhəsində hərbi əməliyyatlardan asılı olacaq. Yəni Rusiya Ukraynada məğlub olarsa, Qərbin Ermənistanda anti-Rusiya siyasəti effektli ola bilər. Lakin Rusiya Ukraynada əhəmiyyətli irəliləyiş əldə edərsə, Qərbin “Ermənistan siyasəti” iflasa uğrayacaq”. 

Firuzə Əliyeva