Alimlərdən SOS SİQNALI: “Piylənmədən əziyyət çəkənlərin sayı artır”
Dünyada bir milyarddan çox insan piylənmədən əziyyət çəkir.
Sfera.az bildirir ki, bu barədə “Lancet” tibb jurnalı araşdırma dərc edib. 2022-ci ilin məlumatlarına görə, bu insanların təxminən 880 milyonu böyüklər, 159 milyonu isə uşaqlardan ibarətdir. Alimlər piylənmə ilə təcili mübarizədə köklü dəyişikliklərə ehtiyac olduğunu deyir.
“ABŞ siyahının ilk yerlərindədir. Belə ki, kişilər ön sırada 10-cu, qadınlar 36-cı yerdədir. Hindistanda qadınlar siyahının sonunda 19-cu, kişilər isə 21-ci yerdədir. Çində isə qadınlar eyni yerdə 11-ci, kişilər isə 52-ci sıradadır. Ümumdünya Səhiyyə Təşkilatı ilə əməkdaşlıq edən 1500-dən çox tədqiqatçı 5 və daha yuxarı yaşda olan təxminən 220 milyon insanın boy və çəki ölçülərini təhlil edib. Tədqiqatçılar bədən kütləsi indeksindən istifadə ediblər. Bunun qlobal analizə imkan verdiyi açıqlanıb”, - araşdırmada qeyd olunub.
1990-2022-ci illəri əhatə edən araşdırma, uşaq və yeniyetmələr arasında piylənmə nisbətinin dörd dəfə artdığını üzə çıxarıb. Yetkinlərdə bu nisbət qadınlarda iki dəfə, kişilərdə isə demək olar ki, üç dəfə çoxalıb.
Günay
