"Fransızlar Ukrayna üçün ölməyəcək" - Fransa XİN rəhbəri Makrona QARŞI ÇIXDI
“Fransa öz qoşunlarını Ukraynaya göndərmək niyyətində deyil”.
Sfera.az xarici KİV-ə istinadən xəbər verir ki, bunu Fransanın xarici işlər naziri Stefan Sejurne deyib.
"Fransızlar Ukrayna üçün ölməyəcək. Biz qoşun göndərməyəcəyik",- o bildirib.
Qeyd edək ki, fevralın 26-da Fransa Prezidenti Emmanuel Makron bildirib ki, Parisdə 20-yə yaxın Qərb ölkəsinin nümayəndələrinin Rusiya ilə münaqişədə Ukraynaya gələcək dəstəyini müzakirə etdiyi görüşdə Qərbin quru qoşunlarının Ukraynaya mümkün göndərilməsi məsələsi qaldırılıb. Onun sözlərinə görə, iştirakçılar bu məsələdə konsensus əldə etməyiblər, lakin gələcəkdə belə bir ssenarinin olmasını da istisna etmək olmaz. Konfransdan sonra iştirakçı ölkələrin əksəriyyətinin nümayəndələri bildiriblər ki, onlar Ukraynaya qoşun göndərməyi planlaşdırmırlar və üstəlik, onlar Rusiyaya qarşı hərbi əməliyyatlarda iştiraka qarşıdırlar.
Firuzə Əliyeva
