Estoniyanın Baş naziri Kaja Kallas Vladimir Putini Rusiya prezidenti adlandırmaqdan imtina edib. 

Sfera.az xarici KİV-ə istinadən xəbər verir ki, o bunu hökumətin mətbuat konfransında Rusiya liderinin gələcək seçkilərinin nəticələrinin tanınması ilə bağlı sualı cavablandırarkən deyib.

“Bəlkə, siz mənim Putini Rusiyanın prezidenti adlandırdığım ifadələrimi tapa bilərsiniz. Məncə, mən həmişə sadəcə Putin, bəli, Putin deyirəm. Mən heç bir başlıq əlavə etməmişəm və əlavə etmək fikrində deyiləm"-, Baş nazir bildirib.

Qeyd edək ki, bundan əvvəl Latviyanın ədliyyə naziri İnese Libina-Eqnere respublikada yaşayan rusların Rusiya Federasiyasının prezident seçkilərində iştirakını xüsusi hərbi əməliyyata dəstək və cinayət hesab etməyi təklif edib.

Əzizə Zeynal