Putindən Qərbə XƏBƏRDARLIQ: “Nüvə qüvvələri tam hazır vəziyyətdədir”
Rusiya Prezidenti Vladimir Putin fransalı həmkarı Emmanuel Makrona cavab verib.
Sfera.az bildirir ki, o, Makronun “Lazım olarsa, Avropanın Ukraynaya qoşun göndərmək variantı var”, çıxışına reaksiya verib.
Putin xalqa müraciətində fikirlərini bu cür ifadə edib:
“Onlar Qərb hərbi birləşmələrinin Ukraynaya göndərilməsinin mümkünlüyünü açıqladılar. Bunun nəticələri çox faciəli olar. Qərb gec və ya tez başa düşməlidir ki, bizdə də nüvə silahı var. Bunu niyə başa düşmürlər? Rusiyanın nüvə qüvvələri tam hazır vəziyyətdədir. Ordumuz “Sarmat” qitələrarası ballistik raketi, nüvə enerjisi ilə işləyən “Burevestnik” raketləri və “Poseidon” nüvə pilotsuz təyyarəsi kimi güclü və yeni silahlara malikdir”.
Cəbhə xəttində olan Rusiya qüvvələrinin çox böyük döyüş təcrübəsi qazandığını bildirən Putin, sözügedən silahların bəzilərinin Ukraynadakı savaş meydanında da sınaqdan keçirildiyini bildirib. ABŞ-nin 1980-ci illərdə Sovetlərlə etdiyi kimi, indi də Rusiyanı silahlanma yarışına sürükləməyə çalışdığını qeyd edən Rusiya Prezidenti, Vaşinqtonun dialoq qurmaq cəhdlərini “ikiüzlülük” kimi qiymətləndirib.
Günay
