Kristina Aqilera uzun müddət sonra pərəstişkarlarını heyrətə saldı - FOTO
Amerikalı müğənni, bəstəkar, rəqqasə, aktrisa, prodüser və TV ulduzu Kristina Aqilera pərəstişkarlarını heyrətə gətirib.
Sfera.az xəbər verir ki, məşhur ulduz 18 kq-dan çox arıqlayıb. Məşhur qızı Summer Rain dünyaya gəldikdən sonra xeyli çəki atıb. Kiçik dəri şortikdə gözəl bədən quruluşunu nümayiş etdirən Aqilera xarici görünüşünü bəyəndiyini bildirib.
Müğənni “Charlie's Angels”in ulduzlarından olan Dryu Berrimorun tok-şousuna qonaq olub. Verilişdə o "diva olmaq”dan bəhs edən video paylaşıb. Kristinanın arıqlaması onun pərəstişkarlarını çox təəccübləndirib. Videoda Aqilera dəri şort və qara köynək geyinmiş, görünüşünü uzun qırmızı dəri çəkmələrlə tamamlamışdır.
Bir çoxları onun 1999-cu ildə debüt sinqlini buraxdığı zamankı kimi göründüyünü bildiriblər.
"Bu, 2000-ci illərdən Kristinasıdır... Eynən 17 yaşında olduğu kimi. Vay, o nə edib?",
"Kristina iki super gücə malikdir: güclü səs və qocalmamaq qabiliyyəti. O,çox gənc görünür"!
Bununla belə, bəziləri onun çox arıqladığını düşünüb, görünüşündən narahat olublar. Kristina öz növbəsində qeyd edib ki, o, heç vaxt "super arıq" olmayacaq, çünki qadın bədəninin təbii nahamarlıqlarını sevir. Eyni zamanda o, bədəni ilə bağlı üzləşdiyi tənqidlərə də münasibət bildirib. Kristina tənqidləri olduğu kimi qəbul etdiyini, kin qusanları isə bloklamağı öyrəndiyini bildirib.
"Eniş-yoxuşlardan keçdim. Bu yolda çox şeylə qarşılaşdım. Bir vaxtlar çox arıq idim, lağ-lağı obyektinə çevrildim. Çox kökəldim, bu dəfə də təhqir olundum. Çox kədərlənirdim, əhvalıma pis təsir edirdi. İndi isə işimlə bağlı tənqidləri istisna olmaqla, görünüşümlə bağlı kim nə yazsa, avtomatik olaraq bloklayıram. Yaş öz sözünü deyir. Bədənimi sevirəm. Bunu mənə insanlar öyrətdi"-deyə müğənni qeyd edib.
Aysel
Sfera.az
