Dünya elitası qiyamət gününə belə hazırlaşır - FOTOLAR

Dünyanın ən varlı insanları qiyamət gününə hazırlaşmağa başlayıblar. Bəziləri fərz edir ki, dünya elitası, çoxumuzun bilmədiyi şeyləri bilir.

Sfera.az bildirir ki, Mark Zukerberq bu yaxınlarda bunker tikmək planı hazırlayıb və bundan sonra bir çox başqa milyarderlər də buna əməl etməyə başlayıb. İnsanlar dünyanın axırının müxtəlif səbəblərindən danışsa da, əksər milyarderlər qiyamət üçün hazırlıqlara başlayıb.
 

Britaniya KİV-i qeyd edir ki, təkcə Zukerberq Qiyamət gününün başlamasına hazırlaşmır. Britaniyalı jurnalistlər deyirlər ki, milyarderlər Armageddona (Qiyamət gününə) hazırlaşır və çoxu sağ qalmaq planlarını gizli saxlayır.

Sam Altman
 

“OpenAI”nin yaradıcısı hesab edir ki, dünyanın sonu süni intellektin insanlara hücumu sayəsində gələ bilər. O, həmçinin nüvə müharibəsinin və ya ölümcül sintetik virusun təhlükə yarada biləcəyinə inanır.

Özünü qorumaq üçün Altman, gizləndiyi yerlərdən birində antibiotiklər və su da daxil olmaqla müntəzəm qoruyucu ləvazimatlar, eləcə də bəzi qeyri-adi əşyalar saxlayır.

Altman hesab edir ki, dünyanın sonu süni intellektin insanlara hücum edəcəyinə görə gələ bilər.

"Bu barədə çox düşünməməyə çalışıram. Amma mənim silahım, qızılım, kalium yod, antibiotiklərim, batareyalarım, suyum, İsrail Müdafiə Qüvvələrinin qaz maskaları və istədiyim zaman uça biləcəyim böyük bir torpaq sahəm var"-deyə o bildirir.

Sahibkar həmçinin deyir ki, “PayPal”ın həmtəsisçisi Peter Thiellə aralarında dünyanın sonu gələrsə, Thielin Yeni Zelandiyadakı dəbdəbəli mülklərindən birinə qaçmaq barədə “razılığa” gəliblər.

Mark Zukerberq

“Facebook” qurucusunun Havayda yer altında gizli bunker tikdiyi deyilir. Sirli layihənin tikintisi 6 fut (1,8 m) divarın arxasında gizlənib. İşçilərlə ciddi şəkildə gizli müqavilələr bağlanıb, sosial şəbəkələrdə bu barədə yazanların tikintidə iştirakları dayandırılıb. Anonimliyi qorumaq üçün şərti olaraq adı David verilən şəxs: "Bu, sanki döyüş klubudur"-deyib.
 

İddia edilir ki, milyarderin sığınacağında özünün qida və enerji ehtiyatları var və partlayışa davamlı qapılarla möhkəmləndirilib. Layihənin ona 270 milyon dollara başa gəldiyi bildirilir.
 

Aydaho ştatının ən zəngin adamı Frank Vandersloot da Markın bunkerinin yerləşdiyi ərazinin cənubunda, 51 milyon dollara 2000 hektarlıq torpaq sahəsi alıb.
 

Elon Mask
 

Mask bu yaxınlarda dünyanın sonu olacağı təqdirdə ən yaxşı müdafiəni yaratdığını açıqlamışdı. “SpaceX” rəhbəri raketlərdən və ya robotlardan qorunmaq üçün zirehli şüşə ilə təchiz edilmiş yeni “Tesla” yük maşınının şəkilləri olan bir post paylaşıb.

"Tesla Cybertruck, apokalipsis zamanı qorunmaq üçün ən yaxşı texnologiyadır"-deyə o posta başlıq yazıb.
 

“Tesla”nın internet saytında da avtomobilin hansısa bir planet üçün yaradıldığı bildirilir.
 

Kanzasda gizli bunker
 

Kanzas ştatında (ABŞ) naməlum yerdə dünyanın sonundan, müharibədən və ya robotların əlindən sağ qurtulmaq üçün lazım olan hər şeylə təchiz edilmiş 15 mərtəbəli yeraltı bunker var. Bunker ilk dəfə Soyuq Müharibə dövründə tikilmiş, birbaşa nüvə zərbəsinə tab gətirmək üçün hazırlanmışdır.
 

Kompleksin partlayışa davamlı qapısının çəkisi 50 tona qədərdir. İçəridə 75 nəfəri yerləşdirə və beş il müddətinə ləvazimat saxlaya bilən 14 yaşayış məntəqəsi var.

Əmlakların əksəriyyəti artıq satılıb, qiymətləri 500.000 dollardan başlayır.

Anbardan əlavə, bunkerdə hovuz, idman zalı və oyun otağı da var.

Aysel

Sfera.az