Fevralın 27-də Rusiya raketləri türk gəmisini vurub. Bu barədə “Dəniz İşçiləri” dənizçilərə dəstək platforması X sosial şəbəkəsində məlumat yayıb.
 

Sfera.az xəbər verir ki, gəmi iki ildir ki, Ukraynanın Xerson limanında dayanmışdı.
 

Qeyd edək ki, vurulan “KURUOĞLU-3” yük gəmisi İstanbul Kuruoğlu Denizcilik şirkətinə məxsus olub. Qara dənizdə mina təhlükəsi səbəbindən o, 22 fevral 2022-ci ildə Ukraynanın Xerson limanına yanalmışdır.
 

“KURUOĞLU-3” yük gəmisi 2 min 800 ton azot gübrəsi daşıyıb.
 

Məlumata görə, gəminin göyərtəsində 2 min 800 ton azot gübrəsi - toplu karbamid olub. Ekipaj üzvlərinin sayı və hazırda hansı vəziyyətdə olduqları barədə məlumat yoxdur.
 

Xerson vilayət hərbi administrasiyasının rəhbəri Aleksandr Prokudin daha əvvəl “Telegram”da gəminin vurulması barədə təfərrüatlarsız qısa məlumat vermişdi.


Öz növbəsində, “Ambrey” dəniz təhlükəsizliyi şirkəti bildirib ki, son iki il ərzində Ukrayna limanlarında ilişib qalan çoxsaylı gəmilər vurulub və ya zədələnib.
 

2023-cü il noyabrın 8-də ruslar Odessadakı limanlardan birinə zərbələr endirib. Bu zaman estakada dayanmış Liberiya bayrağı altında üzən mülki gəmi vurulub. Gəmi Çinə dəmir filizi daşımalı idi.

Xanım

Sfera.az