Evsiz adam təyyarəni qaçıraraq sahilə endi

ABŞ-da Kaliforniyadan olan evsiz bir kişi 150 min dollar dəyərində təyyarə qaçıraraq yerli çimərliyə endirib.
 

Sfera.az bildirir ki, 50 yaşlı Luis Qustavo Ayres fevralın 8-də axşam saat 5 radələrində Palo Alto hava limanından təyyarə oğurlayıb, 40 km məsafədə uçduğu iddiası ilə həbs edilib. Qısa müddətdən sonra həmin şəxs Half Moon Bay sahilində təcili eniş etməli olub və nəticədə təyyarə çevrilib və burnu yerə toxunub.
 

Ayres həbs edildikdən sonra müstəntiqlərə məqsədinin hökumətə hava limanlarının təhlükəsizliyinin olmadığını göstərmək olduğunu bildirib. Hökumətə hava limanlarında lazımi təhlükəsizlik olmadığını göstərmək istəyən adam 150.000 dollar dəyərində və ciddi zədələnməmiş təyyarəni oğurlayıb.


Amerikalı hava limanının perimetri hasarında kəsilmiş boşluqdan sıxaraq açarsız təyyarəyə minə bilib. Məhkəmə zamanı Ayres müstəntiqlərə uçmağı vətəni Braziliyada öyrəndiyini deyib.
 

Polis rəsmiləri bildiriblər ki, həmin şəxs həbs edilərkən üzərindən daha 3 nəfərin şəxsiyyət vəsiqəsi tapılıb. O, şəxsiyyət oğurluğu və avtomobil qaçırmada ittiham olunsa da, özünü təqsirli bilməyib.
 

İlk məhkəmə iclasında Ayres hakim Rebekka Vudsona özünü müdafoə etmək istədiyini söyləsə də, hakim, onun tələbini rədd edib. Girov 10 min dollar məbləğində müəyyən edilib. Məhkəmənin hazırlıq iclası fevralın sonuna təyin edilib.

Aynil

Sfera.az