Şahzadə Harrinin ABŞ vizasının uzadılması ilə bağlı müraciəti qəbul edilməzsə, Meqanla birlikdə Kanadaya qayıda bilər.
 

Sfera.az bildirir ki, ekspert Maykl Koul (Michael Cole) hesab edir ki, Şahzadə Harriyə Amerika vizası verilməsə, onlar Kanadaya qayıda bilər. ABŞ Harrinin ölkədə təhlükəsizliyi məsələsinə baxacaq. Bu qərar Harrinin narkotik etirafları ilə əlaqədar verilə bilər.
 

"Əlbəttə, kitabdakı etiraf nə fakt, nə də sübutdur. Amma bu, onun (Şahzadə Harrinin - red.) narkotik qəbul etdiyinə dair kifayət qədər güclü şərti sübutdur. Amerikalılar immiqrasiyalarına çox ciddi yanaşırlar. Buna görə də, Harri ölkədən qovula və vizası ləğv edilə bilər. Şahzadədən dərhal Amerikanı tərk etməsi tələb oluna bilər"-deyə ekspert bildirir.


O, həmçinin ABŞ-ın keçmiş prezidenti Donald Trampın hazırkı prezident Co Baydenin Harrini müdafiə etdiyi barədə son şərhlərini də müzakirə edib. Maykl Koul:
 

"Donald Trampın ya yanındasan, ya da önündə, ya dostsan, ya da düşmənsən. Əgər o səni düşmən kimi görsə, sənə qarşı əlindən gələni edəcək, buna heç bir şübhə yoxdur. Gecə-gündüz qədər aydındır. Həm də, bu, çox ciddi məsələdir”-deyib.
 

Trampın Bayden komandasının şahzadənin immiqrasiya statusunun təfərrüatlarını gizli saxlamasından narazı olduğu da bildirilir. Keçmiş prezident Bayden komandasının Harrini qoruduğuna görə də çox qəzəblənib.
 

Xatırladaq ki, Şahzadə Harrinin kral ailəsi ilə barışmaq istəməsi, barışıq yolunun illərlə çəkə biləcəyi xəbəri yayılmışdı. Ekspertlərə görə, barışıq üçün Sussex hersoqu etimad qazanmalıdır. Ekspert və jurnalistlərin fikrincə, Şahzadə Harri İngiltərədə xəstə atası ilə daha çox vaxt keçirməyi planlaşdırır.
 

Bundan əlavə, Şahzadə Harrinin həyat yoldaşı Meqan və iki uşağı ilə birlikdə Böyük Britaniyaya qayıtmağı həyəcanla gözlədiyi bildirilir.
 

Çarlzın kiçik oğlu kral ailəsinə qayıtmağı planlaşdırır, lakin görünür, həyat yoldaşı bu fikrə qarşıdır.

"Harri həqiqətən bütün ailəsi ilə birlikdə olmaq istəyir. Bu ərəfədə vahid cəbhə nümayiş etdirmək və kral ailəsinin qalan üzvləri ilə əlaqələri bərpa etməyə diqqət yetirmək onun üçün çox vacibdir"- deyə ekspertlər bildirir.

Mənbələr iddia edir ki, Harri İnvictus Oyunlarının 10-cu ildönümünü qeyd etmək üçün 2024-cü ilin mayında Böyük Britaniyaya qayıdışla bağlı hökumət səviyyəsində danışıqlardadır.

Bayram mərasimləri Müqəddəs Pavel Katedralində keçiriləcək. Ancaq həyat yoldaşı və övladlarının ona qoşulub-qoşulmayacağı hələlik məlum deyil.

Aysel

Sfera.az