Macarıstan parlamenti İsveçin NATO-ya üzv olmaq ərizəsini ratifikasiya edib.


Sfera.az xəbər verir ki, bu barədə RİA Novosti məlumat yayıb.

Yekun səsvermə zamanı 188 deputat lehinə, 6 deputat əleyhinə səs verib, 4 deputat isə səs verməyib. İclas parlamentin saytında yayımlanıb.

Qeyd edək ki, Macarıstan İsveçin NATO-ya üzv olmaq ərizəsini ratifikasiya etməyən sonuncu müttəfiq ölkə idi.

İsveçin müraciətinin təsdiqlənməsini fevralın 26-da Macarıstanın baş naziri Viktor Orban elan edib.

Fevralın əvvəlində ABŞ-nin milli təhlükəsizlik üzrə müşaviri Ceyk Sallivan bildirib ki, Birləşmiş Ştatlar Macarıstandan İsveçin NATO-ya üzvlüyünü mümkün qədər tez ratifikasiya etməyi gözləyir. Onun sözlərinə görə, Vaşinqton təhdidlərə əl atmaq niyyətində deyil, lakin onun səbri “hüdudsuz deyil”.

Daha sonra Macarıstanın xarici işlər naziri Peter Sijarto bildirib ki, Budapeşt ABŞ-nin NATO-nun genişləndirilməsi ilə bağlı göstərişlərinə əhəmiyyət vermir.

Əzizə