Putin Ərdoğana söz verdi: "Gec olmayacaq..."

Rusiya Prezidenti Vladimir Putin türkiyəli həmkarı Rəcəb Tayyib Ərdoğanla telefon danışığı aparıb və o, respublikaya səfərini çox gecikdirməyəcəyinə söz verib.


Sfera.az TASS-a istinadən xəbər verir ki, bu barədə Türkiyə prezidenti jurnalistlərə bildirib.

"O (Putin ) mənə bu səfəri təxirə salmayacağını söyləyib", - Ərdoğan deyib.

“İzvestiya” qəzetinin məlumatına görə, eyni zamanda, türk siyasətçi Putinin yaxın gələcəkdə səfərinin mümkünlüyünü istisna edib.

Qeyd edək ki, Ərdoğanın 70 yaşının tamam olması münasibətlə Rusiya lideri ona zəng edib.

Putin əcnəbi həmkarını bu münasibətlə təbrik edərək, onun doğma ölkəsində və xaricdəki yüksək nüfuzuna diqqət çəkib. Bundan əlavə, Rusiya prezidenti Türkiyə liderinin iki dövlət arasında dostluq əlaqələrinin inkişafına verdiyi töhfəni xüsusi vurğulayıb.

Onu da vurğulayaq ki, bundan əvvəl Kremlin mətbuat katibi Dmitri Peskov bildirib ki, dövlət başçısı yaxın gələcəkdə Türkiyəyə səfər etməyi planlaşdırmır. Onun sözlərinə görə, prezident seçkilərindən əvvəl belə bir səfər mütləq olmayacaq.

Əzizə