ABŞ-nin “Motorola” şirkəti “MWC 2024” adlı beynəlxalq informasiya kommunikasiya sərgisində bilərzik formasını ala bilən smartfonunun prototipini nümayiş etdirib. 

Sfera.az xəbər verir ki, smartfon istehsalında istifadə edilən yeni texnologiya telefonun formasını dəyişdirməyə imkan verir. Bu cür telefonlar insan biləyinə sarıla və ağıllı saat kimi istifadə edilə bilər. 

Smartfon adi halda 6,9 düymlük ekran ölçüsündə olur, qatlananda isə 4,6 düymlük daha kiçik versiyaya çevrilir. 

Telefonun formasını dəyişdirə bilmək üçün korpus parça ilə örtülüb və maqnitlərlə bərkidilib. Yeni texnologiya ilə istehsal edilən display qatlandıqdan sonra əvvəlki formasına asanlıqla qayıda bilir. Bu zaman ekranın keyfiyyətində mənfi yöndə hər hansı dəyişiklik baş vermir.

Vasif