NASA kosmosda və Yerdə rabitəni poza biləcək güclü Günəş partlayışı barədə xəbərdarlıq edib.

Sfera.az xarici KİV-ə istinadən xəbər verir ki, Günəş partlaması Günəşdə qəfil buraxılan böyük enerji partlayışlarıdır. 

Partlayış gücünə və təsirinə görə A, B, C, M və X kimi 5 kateqoriyaya bölünürlər. M və X sinif partlayışları isə ən təhlükəli olanlardır.

Yer kürəsində radiorabitə və elektrik şəbəkələrinə mənfi təsir göstərən Günəş partlayışlarının 11 illik dövrü var.

Qeyd edək ki, “X6.3” partlayışı 2017-ci ildən bəri Günəşdə qeydə alınan ən böyük partlayışdır. Bu, “Space Weather Live”da tarixi günəş partlamaları siyahısında 27-ci yerdədir. Siyahıdakı ən böyük hadisə “X40” qiymətləndirilir.

ABŞ Milli Okean və Atmosfer Administrasiyası xəbərdarlıq edib ki, “X6.3” partlaması yüksək tezlikli siqnalın müvəqqəti pozulması və ya tamamilə itməsinə səbəb ola bilər.

 
Proqnozlara görə, 2019-cu ildə başlayan bu püskürmələr 2030-cu ilə qədər davam edəcək və 2025-ci ildə pik həddinə çatacaq.  

Firuzə Əliyeva