Ukraynalılar bu şəhərlərdən QAÇIRLAR: "Qiymətlər ən aşağı səviyyədədir"

Ukraynalılar Rusiya ordusunun ələ keçirə biləcəyi şəhərlərdən qaçırlar.

Sfera.az bildirir ki, bu barədə Ukrayna mediası məlumat yayıb.

Qeyd olunub ki, sakinlər artıq mənzillərini satışa çıxarıblar. Məlumata görə, Xarkovda mənzillərin qiymətləri artıq yarıya enib, Odessada isə mənzil satışlarında artım qeydə alınır.

"Şəhəri tərk edən, Ukraynanın digər bölgələrinə köçən və ya xaricə qaçan insanlar mənzillərini 50%-ə qədər endirimlə satırlar. Bu həm də Rusiya Federasiyasının gec-tez şəhərləri ələ keçirəcəyi gözləntiləri ilə əlaqədardır. Xarkov daşınmaz əmlak bazarında heç vaxt belə dərin böhran olmayıb. Qiymətlər əslində ən aşağı səviyyədədir. Mənzillər o qədər ucuzdur ki...Satıcılar belə ora qayıtmayacaqlarını başa düşürlər", - Ukraynadan qaçan, əmlak ekspertlərindən biri müsahibəsində bildirib.

O, Odessa şəhərindəki vəziyyəti belə açıqlayıb:

“Odessada satışa çıxarılan əmlakların sayı 35-41% artıb. Amma odessalılar pulu sevən insanlardır. Ona görə də yüksək qiymətlər qoyurlar. Bununla belə, bir çox insan oradan qaçır. Digər tərəfdən onların varlı ruslara mənzillər və torpaq sahələri satmaq planları var”.

Bundan əvvəl Ukrayna mediası Xarkov, Nikolayev və Odessanın elita və məmurlarının artıq təcili olaraq ailələrini Lvovdakı Polşa sərhəddinə göndərməyə başladığı barədə məlumat yaymışdı.

Günay