Mütəxəssislər müəyyən ediblər ki, "Pfizer", "Moderna" və "AstraZeneca" şirkətlərinin xarici mRNT peyvəndləri ürək iltihabı, beyində qan laxtalanması və "Guillain-Barre" (süst iflicə səbəb olan xəstəlik) sindromu riskinin yüksək olmasına səbəb olur.

Sfera.az xarici KİV-ə istinadən xəbər verir ki, belə tapıntılar mRNT əsaslı vaksinlərin insan orqanizmi tərəfindən yad məlumat kimi qəbul edilməsi ilə bağlıdır.

 "mRNT insan orqanizminə daxil olduqda, hüceyrələrimizin təkamül xüsusiyyətlərinə görə, məhv edilməli olan yad məlumat, virus kimi qəbul edilir", - viusoloqlar qeyd edib.

Lakin mütəxəssislər mRNA vaksinləri və sonrakı ağırlaşmalar arasında etibarlı əlaqə yaratmaq üçün kifayət qədər məlumat olmadığını da qeyd ediblər.

Xatırladaq ki, "AstraZeneca" adenovirus peyvəndinin istifadəsindən sonra yaranan fəsadlar ilk dəfə 2021-ci ilin martında qeydə alınıb. Xəstəxanaya yerləşdirilənlərdə qanda laxtalanma və trombozun inkişafı müşahidə olunub, nəticədə bəzi ölkələr vəziyyət aydınlaşana qədər peyvəndi müvəqqəti dayandırmaq qərarına gəliblər. 

Britaniyanın "The Lancet" tibb jurnalında dərc olunan araşdırmaya görə, peyvəndin ilk dozası ilə peyvənd edilmiş bir milyon insandan yalnız səkkizində qan laxtalanması problemi yaşanıb.

İnci