Ukrayna İsveçrədə keçiriləcək ikinci konfransda Rusiya tərəfinə sülh formuluna dair sənəd təqdim etməyi planlaşdırır.

Sfera.az xəbər verir ki, bu barədə mətbuat konfransı zamanı Ukrayna Prezidenti Volodimir Zelenski danışıb.

Onun sözlərinə görə, Ukrayna ilk görüşə 160-dan çox dövlətin başçısını dəvət etmək niyyətindədir və onların iştirakı ilə sülh formulu planı hazırlanacaq.

Eyni zamanda, Zelenski Rusiyanın bu sənədi qəbul etmək istəyəcəyinə şübhə ilə yanaşıb.

Prezident həmçinin bildirib ki, Ukrayna üçüncü ölkələrin ona hər hansı sülh danışıqları formatını tətbiq etməsini istəmir.

Mətbuat konfransı zamanı Zelenski qeyd edib ki, 2019-cu ildə Rusiya Prezidenti Vladimir Putin Donbassda atəşkəs məsələsini qaldırıb. O həmçinin qoşunların çıxarılması ilə bağlı Minsk razılaşmalarının səmərəsizliyi ilə bağlı fikirlərini bölüşüb və bildirib ki, onların çıxarılması davam etsə belə, münaqişə onilliklər ərzində dondurulmuş vəziyyətdə qalacaq.

Əzizə Zeynal