Azərbaycan nümayəndə heyəti xalq sənətinin təqdim edildiyi sərgidə - FOTOLAR
Azərbaycan nümayəndə heyəti Dohada Özbəkistan Mədəniyyəti Günləri çərçivəsində bu ölkənin xalq sənətinin təqdim edildiyi sərgidə olub.
Sfera.az xəbər verir ki, Azərbaycan Respublikası Mədəniyyət Nazirliyinin təşkilatçılığı ilə 21-24 fevral tarixlərində Qətər Dövlətinin paytaxtı Doha şəhərində Azərbaycan Mədəniyyəti Günləri keçirilir.
Qeyd edək ki, fevralın 21-də paytaxt Dohanın “Souq Waqif” bazar mərkəzində mədəniyyət günlərinin açılışı keçirilib. Bu məkan öz rəngarəng xalçalar və sənət əsərləri nümayiş olunan, küçə performansları ilə məşhur bir yerdir. Mədəniyyət Nazirliyi və “Azərxalça” ASC-nin birgə təşkilatçılığı ilə Azərbaycan xalçalarının sərgisi təqdim olunur. Sərgidə 15-ə yaxın unikal toxuma texnikası ilə ərsəyə gətirilən xalılar yer alıb. Qətərin Mədəniyyət Nazirliyinin rəsmiləri sərgiyə baxış keçiriblər.
Sərgi məkanında Azərbaycan Dövlət Xalq Çalğı Alətləri Orkestrinin ifasında milli musiqi çələngi təqdim olunub. Daha sonra muğam üçlüyü və Azərbaycan Dövlət Rəqs Ansamblının solistləri sənətsevərlər qarşısında çıxış ediblər. Konsert Dohalı tamaşaçılar tərəfindən böyük maraqla qarşılanıb.
Fevralın 22-də isə "Doha Ekspo 2023"də Azərbaycan Milli Günü təşkil olunmuşdu.
Firuzə Əliyeva
