"Onun son çıxışı mənim tamamilə..." - Putindən Baydenin təhqiramiz fikirlərinə REAKSİYA
Putin Baydenin qalmaqallı çıxışına münasibət bildirib.
Sfera.az xəbər verir ki, o, Ağ Ev rəhbərinin təhqiramiz ifadələrinə kinayə ilə gülərək cavab verib.
Rusiyalı jurnalist Pavel Zarubinə danışan Putin bir müddət əvvəl verdiyi açıqlamada ABŞ Prezidenti olaraq Baydeni Donald Trampdan üstün tutduğunu xatırladıb.
Rusiya Prezidenti Ağ Ev rəhbərinin son təhqiramiz çıxışının məhz bu açıqlamadan qaynaqlandığını iddia edib.
"Ötən dəfə istənilən prezidentlə çalışa biləcəyimizi demişdim. Amma Baydenin Rusiya üçün daha yaxşı olduğunu da vurğulamışdım. Onun son çıxışı mənim tamamilə haqlı olduğumu göstərdi. Çünki bu, sözlərimə uyğun reaksiyadır”, - o bildirib.
Putin həmçinin, “Biz ABŞ-də baş verənləri daxili siyasət baxımından anlayırıq”, - əlavə edib.
O, bir daha prezident kimi Baydenə üstünlük verdiyini vurğulayıb.
Xatırladaq ki, ABŞ Prezidenti Co Bayden San-Fransiskoda qapalı seçki kampaniyasında çıxışı zamanı Rusiya Prezidenti Vladimir Putini “əxlaqsızın övladı” adlandırıb. Məlumata görə, Bayden iqlim dəyişikliyindən danışarkən qəzəblənib:
"Nə qədər ki, Putin və onun kimi dəli, əxlaqsızın övladları var, biz həmişə nüvə münaqişəsindən narahat olmalıyıq, lakin bəşəriyyət üçün ekzistensial təhlükə iqlimdir".
Moskva buna cavab olaraq bildirib ki, Baydenin təhqiri yalnız ABŞ-ni alçaltmağa xidmət edir.
Günay
