“Ölkəmizdə tullantılarla bağlı vəziyyət acınacaqlıdır”.

Sfera.az xəbər verir ki, bunu Milli Məclisin 23 fevral 2024-cü il tarixli iclasında “İstehsalat və məişət tullantıları haqqında Azərbaycan Respublikasının Qanununda dəyişiklik edilməsi barədə” Azərbaycan Respublikasının 2023-cü il 24 iyun tarixli 928-VIQD nömrəli Qanununun icrası ilə əlaqədar Azərbaycan Respublikasının bəzi qanunlarında dəyişiklik edilməsi haqqında Azərbaycan Respublikası qanununun layihəsinin müzakirəsi zamanı deputat Razi Nurullayev deyib.

“Bəzi yerlərdə zibillər yığılıb çaylara axıdılır. Bütün dünyada zibil də biznesdir, bundan pul qazanırlar. Ən azından bölgələr üzrə tullantı tikintilərə ehtiyac var. Bundan əziyyət çəkənlərdən biri də elə deputatı olduğum İmişli rayonudur. Üfunət iyi, çirkab və tullantıdan vətəndaşlar əziyyət çəkir. Özəl sektorda xarici investorları bu işə cəlb edə bilmiriksə, dövlət tərəfindən bir neçə zavodun tikilməsində maliyyəni təmin etmək olar”.

Firuzə Əliyeva