“Qanunu bilməmək məsuliyyətdən azad etmir. Əgər ermənilər keçmiş kobud səhvlərindən nəticə çıxarmırsa, bu, onları gələcəkdə cəzalandırılmaqdan azad etməyəcək”.

Sfera.az xəbər verir ki, bunu Milli Məclisin 23 fevral 2024-cü il tarixli iclasında deputat Elşad Mirbəşir deyib.

“Ermənistanda “miatsum” hərəkatının 36-cı ildönümü qeyd edildi. Yenə də Azərbaycana qarşı ittihamlar edildi. Bu, həm də Ermənistanın ifşası idi. Bu, bizim əsas silahımıza çevrilməlidir. Fransa beynəlxalq görüşlər zamanı ermənilərin Qarabağa qayıtmasını vurğulayır. Ermənilərin hüquq və təhlükəsizliyi beynəlxalq səviyyədə tənzimlənməlidir. Ermənilər gələcəkdə Azərbaycanda hansı məqsədi yerinə yetirmək istəyirlər? Məqsəd odur ki, Azərbaycan ərazisində separatizm mövcud olsun. Buna imkan verməməliyik. Çünki Ermənistan regionda ciddi təhlükədir. Bakı tematik müzakirə üçün bu məsələlərlə bağlı danışıq məkanına çevrilməlidir”.

Firuzə Əliyeva