TÜSAŞ-ın baş direktoru: "Azərbaycan “Kaan”la maraqlanır"
Qardaş ölkələr, o cümlədən Azərbaycan “Kaan”la maraqlanır.
Sfera.az xəbər verir ki, bunu Türkiyənin Aviasiya və Kosmos Sənayesi şirkətinin (TÜSAŞ) baş direktoru Temel Kotil “TRT Haber”ə müsahibəsində deyib.
“Əlbəttə, satış məsələsi ilə bağlı danışa bilmərəm. Bu, dövlətin məşğul olduğu işdir. Amma “Kaan” ciddi texnikadır”, - o bildirib.
T.Kotil, həmçinin qeyd edib ki, “Kaan” qardaş ölkələr üçün əhəmiyyətlidir.
Qeyd edək ki, “Kaan” Türkiyənin ilk milli döyüş təyyarəsidir. Türkiyə ABŞ-nin F-22 və F-35 qırıcılarına alternativ olaraq bu təyyarələri istehsal edib. Təyyarə fevralın 21-də ilk uçuşunu uğurla həyata keçirib.
Xatırladaq ki, Rusiya “Kaan”ın birgə istehsalı ilə bağlı Türkiyəyə əməkdaşlıq təklif edib. Həmçinin, Ukrayna da bu qırıcılarla bağlı əməkdaşlıqda maraqlı olduğunu bildirib.
Türkiyə Prezidenti Rəcəb Tayyib Ərdoğan “Kaan”ın 2028-ci ildə Türkiyə Silahlı Qüvvələrinin inventarına daxil olunacağını deyib. (Report)
