Röya Ayxanın keçmiş qayınatası yenidən məhkəməyə verildi

Röya Ayxanın keçmiş qayınatası yenidən məhkəməyə verildi

Ləğv prosesində olan “Bank Standard” QSC “Çudo Peçka” və “ÇP Aqro” MMC-lərin həbsdəki təsisçisi Çingiz Cəlilovu məhkəməyə verib.

 

Sfera.az-ın məlumata görə, bu barədə bank Bakı Kommersiya Məhkəməsinə müraciət edib.

 

Belə ki, bank iddiasında maddi ziyanın ödənilməsini istəyir. Lakin maddi ziyanın nə qədər olduğu açıqlanmayıb.

 

Hazırda iddia hakim Zaur Pirverdiyevin icraatına verilib, lakin məhkəmənin vaxtı hələlik məlum deyil.

 

Qeyd edək ki, 2017-ci ildə Baş Prokurorluğun yaydığı məlumata əsasən, “Çudo Peçka” və “ÇP Aqro” MMC-lərinin təsisçisi Çingiz Asim oğlu Cəlilov “Bank Standard” QSC kommersiya bankının İdarə Heyətinin sədri olmuş Səlim Eldaroviç Krimanla qabaqcadan razılaşmaqla işbirliyi qurub.

 

O, həmin dövrdə banka müxtəlif mənbələrdən, o cümlədən xarici və daxili investorlardan və depozitlərdən daxil olmuş külli miqdarda pul vəsaitləri hesabına 21 milyon 874 min manat məbləğində krediti bankın Müşahidə Şurasının razılığı olmadan dəyəri süni olaraq artıq qiymətləndirilmiş əmlakları girov qoyub. Sonra özünün, yaxın qohumlarının və qohumluq münasibətində olduğu, eləcə də rəhbərlik etdiyi cəmiyyətlərdə işləyən ayrı-ayrı şəxslərin adlarına guya bağ evinin alınması, mənzil təmiri, torpaq alınması və bu kimi digər təyinatlarla rəsmiləşdirilməsinə nail olub. Daha sonra qeyd olunan kredit müqavilələri əsasında banka guya külli miqdarda kredit borcu olduğu görüntüsünü yaradaraq bir neçə dəfə restrukturizasiya (kreditin və ya onun ödənilməsi şərtlərinin dəyişdirilməsi) etdirməklə mənimsədiyi 13 milyon 962 min manatı Səlim Krimanla öz aralarında bölüblər.

 

Xatırladaq ki, 2016-cı ilin sentyabr ayının 28-də S.Krimanın cinayət işinə təqsirləndirilən şəxs qismində cəlb olunmasına dair qərar qəbul edilib. Lakin o, istintaqdan gizləndiyi üçün barəsində axtarış elan olunub. Binəqədi Rayon Məhkəməsinin 5 oktyabr 2016-cı il tarixində çıxardığı qərarla S.Krimanın barəsində həbs qətimkan tədbiri seçilib. Eyni zamanda, İnterpol xətti ilə axtarışa verilib.

 

Bakı Ağır Cinayətlər Məhkəməsinin hökmü ilə C.Cəlilov 12 il müddətinə azadlıqdan məhrum edilib.

 

Məlumat üçün bildirək ki, C.Cəlilov Xalq artist Röya Ayxanın keçmiş qayınatasıdır. Müğənni keçmiş iş adamının oğlu Anar Cəlilovla 2008-ci ildə ailə həyatı qurub, lakin cütlük 2014-cü ildə boşanıb. C.Cəlilovun cinayət işinin araşdırılması zamanı oğlu da ifadə vermişdi. (İqtisadiyyat.az)


OXŞAR XƏBƏRLƏR

Helikopterdə olan imam qəzada sağ qalıbmış - 1 saat sonra....

İran Prezidenti İbrahim Rəisinin qəzaya uğrayan helikopterində olan İranın Təbrizin Cümə imamı Seyid Məhəmməd Əli Al-Haşimin qəzadan sonra bir saat ərzində huşu...

Nazir Əhməd Vahidliyə başsağlığı verdi

Azərbaycanın fövqəladə hallar naziri Kəmaləddin Heydərov İranın daxili işlər naziri Əhməd Vahidliyə başsağlığı verib.   Sfera.az xəbər veri...

Ceniffer və Ben Afflek boşanma şayiələri arasında birlikdə görüntüləndi 

Müğənni Cennifer Lopez və Ben Afflek boşanma xəbərləri arasında birlikdə görüntüləniblər. Məşhurlar bazar günü Kaliforniyanın Brentvud şəhərində keçirilən ...

Azərbaycanda tələbə faciəli şəkildə öldü

Xəbər verdiyimiz kimi, mayın 19-u 24 yaşlı İsmayıl İsmayılov Göyçayda ağacdan alça yığarkən ehtiyatsızlıqdan ağacın yaxınlığından keçən elek...

Oğrunu cəzalandırmaq üçün 380 min dollarlıq avtomobilini məhv etdi - VİDEO

64 yaşlı milyonçu “Rolex” saatını oğurlamış oğrunu San-Paulu (Braziliya) küçələrində qovalayıb.  Qaçdı-tutdu zamanı kişi 300.000 funt-sterlinq ...

Türkiyədə zəlzələ oldu

Türkiyənin Elazığın Sivrice vilayətində 4 maqnitudalı zəlzələ baş verib.   Sfera.az xəbər verir ki, bu barədə Türkiyənin Fövqəladə Halların İdar...