“Rusiya sülh danışıqlarına açıqdır, lakin Ukrayna Prezidenti Volodimir Zelenskinin planına yox”.

Sfera.az bildirir ki, bunu Rusiyanın xarici işlər naziri Sergey Lavrov deyib.

O, Braziliyanın “O Globo” qəzetinə müsahibə verib. Qurum rəsmisi bildirib ki, Rusiya danışıqlar prosesi başlamazdan əvvəl məqsədlərinə çatana qədər savaş davam edəcək:

“Nə Kiyev, nə də Qərb münaqişənin həlli üçün siyasi iradə nümayiş etdirmir. Bizim başqa seçimimiz yoxdur, müharibə məqsədlərimizə çatana qədər davam edəcək”.

Lavrov deyib ki, münaqişəni dayandırmaq üçün onun köklü səbəblərinə diqqət yetirmək lazımdır.

Qeyd edək ki, “Zelenski formulu” Rusiya Silahlı Qüvvələrinin Şimal Hərbi Dairəsi zonasından çıxarılması şərti ilə dinc dialoqun aparılacağını nəzərdə tutur. Rusiya bunun qəti əleyhinədir. Bundan əvvəl Aİ diplomatik xidmətinin rəhbəri Cozef Borrell Ukrayna savaşının üç ay ərzində həll olunacağını bildirmişdi. Bununla bağlı o, Ukraynaya hərbi yardımı artırmağa çağırmışdı.

Günay