Argentina Prezidenti Xavyer Miley “İnter Mayami”nin hücumçusu Lionel Messini tarixin ən böyük futbolçusu adlandırıb və “dünyanın ən vacib argentinalısı” ilə ünsiyyət quracağına ümid etdiyini bildirib. 

Sfera.az xəbər verir ki, onun sözlərini "As" sitat gətirib.

“Messi bütün zamanların ən böyük futbolçusudur. O, fenomendir. Onunla heç vaxt danışmaq imkanım olmayıb. Dünyanın ən vacib argentinalısı ilə danışmaq şansına nail olmaq istəyirəm. Mən Roma Papası, Hollandiya kraliçası Maksima ilə danışmışam ... Bəxtim gətirsə, Messi ilə də danışa biləcəm”, – prezident deyib.

Qeyd edək ki, Messi iki il Fransanın PSJ klubunda oynadıqdan sonra 2023-cü ilin yayında "İnter Mayami"yə keçib. Avqustun 20-də argentinalı Amerikada ilk kuboku - Liqa Kubokunu qazanıb. "İnter Mayami"də keçirdiyi 14 oyundan sonra Messinin hesabında 11 qol və 5 məhsuldar ötürmə var. 

İnci