Co Baydenin oğlunun İŞİ: Smirnov Rusiya kəşfiyyatı ilə əlaqələrini açıqladı

ABŞ Prezidenti Co Baydenin oğlu Hanter Baydenin işi üzrə yalan ifadə verməkdə təqsirləndirilən ABŞ Federal Təhqiqat Bürosunun (FTB) müxbiri Aleksandr Smirnov Rusiya kəşfiyyatı ilə əlaqələrini açıqlayıb. 

Sfera.az xəbər verir ki, bu barədə "The New York Times" (NYT) məlumat yayıb.

O iddia edir ki, Amerika liderinin oğlu haqqında Rusiya kəşfiyyatından neqativ məlumatlar alıb.

ABŞ Prokurorluğu iş materiallarında Smirnovu yalançı, həyatının ən elementar təfərrüatları haqqında belə həqiqəti deyə bilməyən şəxs kimi xarakterizə edib.

Prokurorlar bildiriblər ki, onun yaydığı dezinformasiya yalnız Bayden haqqında yalan iddiaları ilə məhdudlaşmır. Qeyd olunur ki, Smirnov nəinki FTB-yə Ağ Ev rəhbərinin ailəsi ilə bağlı yalan məlumat verib, həm də onun 6 milyon dollar dəyərində sərvətinə dair istintaqı yanıldıb və təhlükəsizlik sahəsində çalışdığını bildirib. 

Xatırladaq ki, bundan əvvəl ABŞ Ədliyyə Nazirliyi Smirnova qarşı ittiham irəli sürüb.  43 yaşlı FTB məlumatçısı fevralın 15-də Las-Veqasda saxlanılıb. O, prezidentin oğlu Hanterin Ukraynanın “Burisma” enerji şirkəti ilə işgüzar əlaqələrində rolu barədə yalan ifadələr verməkdə ittiham edilib.

Əzizə