ABŞ prezidentinin milli təhlükəsizlik üzrə köməkçisi Ceyk Sallivan brifinq zamanı bildirib ki, Vaşinqton özü Ukraynaya pul ayıra bilməz.

Sfera.az xəbər verir ki, bu barədə Ağ Evin mətbuat xidməti məlumat yayıb.

“Bizim Ukraynaya göndərməyə pulumuz yoxdur. Konqres tərəfindən maliyyələşdirmənin təsdiqindən başqa da heç bir sehrli həllimiz yoxdur",- Sallivan bildirib.

O əlavə edib ki, Ukrayna hərbçilərinin Avdiivkadan imtina etməsində ABŞ Konqresi günahkardır. İmtina Kiyevə yardımın ayrılması ilə bağlı qərarın qəbulunun gecikməsi ilə bağlıdır. Sallivanın sözlərinə görə, Ukrayna ordusunun silahları tükənmək üzrədir və onlar silahları ehtiyacları olduqları miqdarda almırlar.

Bundan əvvəl Sallivan bildirib ki, Ukraynaya kreditlə yardım köçürmək yaxşı həll yolu deyil.

Eyni zamanda amerikalı jurnalist Taker Karlson “The Blaze” nəşrinə müsahibəsində Ukraynaya yardımın çirkli pulların yuyulması əməliyyatı olduğunu deyib. Bundan əvvəl isə ABŞ və Ukrayna Kiyev üçün təhlükəsizlik zəmanəti ilə bağlı danışıqlara başlayıb.

Əzizə