Madonna konsert zamanı səhnədə stuldan yıxıldı - VİDEO
Hazırda yaradıcılığının 40 illiyinə həsr olunmuş qastrol səfərində olan 65 yaşlı Pop-diva Madonna çıxışı zamanı xoşagəlməz hadisə ilə üzləşib. “Climate Pledge” Arenada şousu zamanı müğənninin kreslodan yıxılmasının videosu yayılıb.
Sfera.az bildirir ki, Madonna bu xoşagəlməz vəziyyəti peşəkarcasına “söndürməyi” bacarıb. O, bir daha öz bacarığını nümayiş etdirərək ictimaiyyətin marağını öz üzərinə çəkib.
Madonna "Open Your Heart" mahnısına rəqs edərkən, xoreoqrafiyaya əsasən, rəqqasə sənətçinin əyləşdiyi stulu yenidən əsas səhnəyə itələməli idi, lakin hündürdaban ayaqqabılara görə o, büdrəyib. Həm rəqqasə, həm də Madonna ayaqları yuxarı vəziyyətdə səhnədə sürüşüb yıxılır.
Əfsanəvi müğənni bir daha göstərib ki, estrada musiqisinin simvolu olması əbəs yerə deyil. O, yıxılarkən, planlaşdırılıbmış kimi, qarnı üstə çevrilib, mikrofonu buraxmadan gülüb.
Konserti lentə alan ekipajın başqa bir üzvü qabağa gələrək müğənniyə kresloya qalxmağa kömək edib, başqa bir rəqqasə isə arxasınca stul sürüyərək yanına gəlib, Madonnanı qucaqlayıb.
Sənətçi davam etməyə çalışsa da, qarışıqlığın hələ də təsirindən çıxa bilməyib. O, tamaşaçılara tərəf dönərək:
“Lənət olsun, sözləri unutdum”deyib. Daha sonra pop-diva sözləri və xoreoqrafiyanı tez xatırlayaraq mahnını bitirib.
Hadisənin videosu ictimailəşdikdən sonra fanatlar ancaq və ancaq heyranlıqlarını ifadə ediblər.
Xatırladaq ki, 2023-cü ilin iyununda Madonna ağır bakterial infeksiya ilə xəstəxanaya yerləşdirilib. Bu müddət ərzində həkimlər xəstəliyə qarşı mübarizə aparmaq üçün onu süni tənəffüs aparatına qoşublar. O, iyul ayına planlaşdırılan və oktyabrda başlanan turu bir müddət təxirə salmalı olub.
Turun aprelin 26-da Mexikoda başa çatması planlaşdırılır.
Aynil
Sfera.az
