"Üçüncü Dünya müharibəsinin başlama ehtimalı realdır" - Lukaşenko SƏBƏBİ AÇIQLADI
“Üçüncü Dünya müharibəsinin başlama ehtimalı ilə bağlı narahatlıqlar kifayət qədər əsaslıdır, çünki hərbi güc qlobal qərar qəbuletmə mərkəzlərinin əsas defolt arqumentinə çevrilib”.
Sfera.az xarici KİV-ə istinadən xəbər verir ki, bunu Belarus lideri Aleksandr Lukaşenko deyib.
Lukaşenko qeyd edib ki, NATO-nun on minlərlə hərbçisi, yüzlərlə hərbi texnika, təyyarə və helikopteri Rusiya və Belarus sərhədləri yaxınlığında yerləşdirilib:
“Alyansın Avropada həyata keçirdiyi əməliyyatlar çərçivəsində Belarus və Rusiyanın bilavasitə yaxınlığında NATO və ABŞ silahlı qüvvələrinin vahid kontingentindən 32 minə yaxın hərbçi yerləşdirilib. Buraya həmçinin 1000-dən çox zirehli texnika, 160-a yaxın artilleriya sistemləri və minaatanlar, 235 təyyarə və vertolyotlar cəlb olunub".
Firuzə Əliyeva
