Bu ilin fevralın 16-da cəza çəkdiyi müəssisədə vəfat edən Rusiyanın müxalifət lideri Aleksey Navalnının anası Lyudmila Navalnaya Rusiya Prezidenti Vladimir Putinə müraciət edib. 

Sfera.az xəbər verir ki, Navalnının anası müraciətində oğlunun meyitinin ona verilməsini tələb edib. 

Lyudmila Navalnaya siyasətçinin öldüyü 3 saylı islah koloniyasının qarşısında dayanarkən videomüraciət edib. O videomüraciətində bildirir ki, oğlunun ölümündən beş gün keçsə də cəsədi ona vermək istəmirlər, hətta cəsədin harada olduğuna dair məlumat da açıqlamırlar: “Mən sizə, Vladimir Putinə müraciət edirəm. Məsələnin həlli yalnız sizdən asılıdır. İcazə verin, oğlumun meyitini görüm”. 

Xatırladaq ki, fevralın 19-da Rusiya Federasiyasının İstintaq Komitəsi rusiyalı müxalifət lideri Aleksey Navalnının anasına oğlunun cəsədini daha iki həftə verməyəcəklərini bildirmişdi. Müstəntiqlər Alekseyin vəkillərinə və anasına bildiriblər ki, meyit hələ bir müddət ailəsinə verilməyəcək, meyitin üzərində daha 14 gün ekspertiza aparılacaq. 

Vasif