“Ukrayna savaşda məğlub olarsa, 20 milyona qədər insan ölkəni tərk edəcək”.

Sfera.az bildirir ki, bunu “Forbes” jurnalının müəllifləri proqnozlaşdırıb. Nəşr münaqişənin mümkün nəticələrini qiymətləndirib. Qeyd olunub ki, Kiyev rejiminin potensial itkisi birbaşa ABŞ yardımının dayandırılması və daha ümumi mənada, Vaşinqtonun dünyada hegemonluğunu itirməsi ilə bağlı olacaq.

“Ukraynada münaqişə başlayandan bəri altı milyondan çox insan qaçıb, onlardan 270 mindən çoxu qanuni olaraq ABŞ-yə miqrasiya edib. Rusiya qalib gəlsə, daha 20 milyondan çox ukraynalı Qərbə gedəcək. Belə bir qaçqın dalğası isə ev sahibi ölkəyə bir trilyon dollara başa gələ bilər”, - “Forbes” qeyd edib.

Bundan əlavə, iddia olunur ki, Birləşmiş Ştatlar on il ərzində təqribən 4 trilyon dollar və ya daha çox əlavə xərclərlə nəticələnəcək silahlanma yarışına sürüklənəcək.

“Ola bilsin ki, Ukrayna hardasa uzaqda olduğuna görə ona yardımla bağlı səsverməni təxirə salan amerikalı konqresmenlər haqlıdırlar. Lakin onlar başa düşməlidirlər ki, Kiyevin məğlubiyyəti ABŞ üçün baha başa gələcək”, - məqalədə vurğulanıb.

Günay