Qədim Şotlandiya təcrübəsi “TikTok” trendinə çevrildi - Herkle-Durkle nədir?
19-cu əsrə aid olan Şotlandiya təcrübəsi TikTok trendi sayəsində geri qayıdıb.
Sfera.az bildirir ki, “Hurkle Durkling” (Herkle-Durkle) bütün video paylaşma platformasını ələ keçirib.
Sosial şəbəkə istifadəçiləri bu trenddən ötrü növbəyə düzülüb və hərə bir cür Herkle-Durkle çəkib paylaşırlar. Bəlkə də, çoxumuz əslində Herkle-Durkle ilə məşğul olmuşuq, amma bundan heç xəbərimiz də yoxdur.
“Hurkle Durkle” heşteqi “Tik-Tok” sosial şəbəkədə inanılmaz dərəcədə populyarlaşıb. Hazırda bu heşteqli videolara artıq 5,5 milyondan çox insan baxıb. Adı gülməli və qeyri-adi görünsə də, Yer kürəsindəki insanların hər 5 nəfərindən 4-ü Herkle-Durkle tətbiq etmişlər. Əslində, bu qədim Şotlandiya təcrübəsi qalxmaq vaxtı çatıb, zəngli saat çaldıqdan sonra yataqda uzanmağı əhatə edir.
Siqnal çaldıqdan sonra yataqdan qalxmaq istəmədiyimiz üçün, özümüzü əzgin hiss edirik. Amma şotlandlar bu davranışı qəbul etməyə və özünü yataqdan həmin dəqiqə durmağa məcbur etmir. Şotland dilindəki "hurkle durkle" ifadəsindən hərfi mənada "ayağa qalxmadan yataqda yatmaq və ya boş qalmaq" deməkdir.
Qeyd edək ki, cəmi bir il əvvəl TikTok-da fərqli boşluq növü məşhur idi: insanlar bütün günü yataqda vaxt keçirirdilər. Şotlandiya təcrübəsi isə göstərir ki, yataqda yalnız səhər saatlarında tənbəllik etmək olar.
Bizim çoxumuz əslində xəbərimiz olmadan Şotlandiya təcrübəsini tətbiq edirik.
Maraqlıdır ki, bir qrup tədqiqatçı araşdırması daha əvvəl göstərmişdi ki, daha uzun müddət yatmaq və ya yataqda uzanmaq əslində həyatımızı yaxşılaşdırmağa kömək edir. Tədqiqatlar göstərir ki, həftə sonu sadəcə 2 saat əlavə yatmaq infarkt və ya insult riskini 63% azalda bilir. Başqa bir araşdırma da müəyyən edib ki, zəngli saat çaldıqdan sonra qısa müddətlik də olsa yuxuya getmək gün ərzində daha gümrah hiss etməyə kömək edir.
Aysel
Sfera.az
