Xarici investorların Çinə marağı azalır: Son 30 ildə ilk dəfə…
Çinə birbaşa xarici investisiyaların həcmində artım sürəti ötən il son 30 ilin ən aşağı səviyyəsinə düşüb.
Sfera.az xəbər verir ki, Çin Milli Xarici Valyuta Administrasiyasının (SAFE) məlumatlarına görə, 2023-cü ildə birbaşa xarici investisiyalar 33 milyard dollar olub. Birbaşa investisiyaların məbləği 2022-ci ilə nisbətən 82 faiz azalıb. 2022-ci ildə Çinə 183 milyard dollardan artıq xarici investisiya qoyulub.
İnvestisiyaların azalması dünyanın ikinci ən böyük iqtisadiyyatına inamın azalmasını göstərir. Bununla yanaşı dünyada geosiyasi gərginlik və yüksək faiz dərəcələri də orta gəlirli ölkələyə investisiya qoyuluşunu azaldıb.
İnvestisiya qoyuluşunun azalmasına xarici şirkətlərin gəlirliliyinin azalması da təsir edib. Çin Milli Statistika İdarəsinin məlumatına görə, xarici şirkətlərin gəlirliliyi ötən il əvvəlki ilə nisbətən 6,7 faiz azalıb.
Qeyd edək ki, COVID-19 pandemiyasından sonra Çindən xarici kapitalın qaçışı müşahidə olunur. Çin hökuməti xarici şirkətlərin geri qayıdışını stimullaşdırmaq üçün cəhdlər etsə də bu, hələlik istənilən nəticəni vermir.
Vasif
