Avropa rəsmiləri Donald Trampın ABŞ prezidentliyinə qayıtması halında təhlükəsizlik planını nəzərdən keçirir. 

Sfera.az xəbər verir ki, bu barədə “The Washington Post” mənbələrə istinadən məlumat yayıb.

“Azad dünyanın keçmiş və bəlkə də gələcək lideri oturub Rusiyanın NATO müttəfiqlərinə hücumunu seyr edəcəyini dedikdə, biz ABŞ-nin Avropa və Ukrayna qarşısındakı öhdəliyinin necə görünə biləcəyini yenidən düşünməli olacağıq”, - Avropa təhlükəsizlik xidmətlərinin nümayəndələrindən biri deyib.

Onun sözlərinə görə, Avropa ölkələri “ən yaxşıya ümid etməli, lakin ən pisinə hazırlaşmalıdır”. Belə bir ssenari Ukraynaya dəstəyin kəsilməsini və Rusiyaya regionda sabitliyi pozmağa imkan verilməsini nəzərdə tutur.

Xatırladaq ki, fevralın 11-də Amerikanın Cənubi Karolina ştatındakı seçkiqabağı mitinqində Tramp NATO-ya üzv olan bir sıra ölkələri müdafiə proqramı üzrə maliyyə öhdəliklərini yerinə yetirməməkdə ittiham edib. O həmçinin əlavə edib ki, Rusiyanın bu cür dövlətlərə hipotetik hücumlarını təşviq etməyə hazırdır.

Əzizə