Rusiya Liberal Demokrat Partiyasının (RLDP) sədri və Dövlət Dumasının sabiq deputatı Vladimir Jirinovskinin həyatının son ilində verdiyi proqnozlar indi sitat gətirilir. 

Sfera.az rus mediasına istinadən xəbər verir ki, o, indi baş verən bir çox hadisəni dəqiq proqnozlaşdırıb.

Ötən gün onun daha bir “peyğəmbərliyi” üzə çıxıb.Belə ki, siyasətçi ölümündən əvvəl Vladimir Putinin mümkün xələfinin adını çəkib.

“Jirinovski Rusiyanın növbəti prezidentinin qadın ola biləcəyinə inanırdı. Və hətta onun adını da deyib - Orenburqdan olan siyasətçi, altıncı çağırış Dövlət Dumasının deputatı Yelena Afanasyeva”, - mənbə yazıb.

Xatırladaq ki, mart ayında Rusiyada prezident seçkiləri keçiriləcək. Tarixdə ilk dəfə olaraq Rusiyada prezident seçkiləri üç gün ərzində - 2024-cü il martın 15-dən 17-dək davam edəcək.

Əzizə Zeynal