Tarixdə ilk - Rusiyanın dondurulmuş aktivlərindən yarım milyonu Estoniya vasitəsilə Ukraynaya veriləcək

Birləşmiş Ştatlar tarixdə ilk dəfə olaraq müsadirə edilmiş Rusiya aktivlərini Estoniyaya keçirəcək və bu aktivlərdən Ukraynaya dəstək üçün istifadə olunacaq. Bu barədə ABŞ Ədliyyə Nazirliyi məlumat yayıb.

Sfera.az bildirir ki, Münhen Təhlükəsizlik Konfransında ABŞ baş prokurorunun müavini Liza Monako və Estoniyanın baş katibi Tinis Saar Rusiya aktivlərinin müsadirəsi nəticəsində əldə edilən 500 min dolların yenidən bölüşdürüldüyünü elan ediblər.

ABŞ Ədliyyə ABŞ Rusiyanın dondurulmuş aktivlərindən Ukraynaya yarım milyon dollar köçürəcək

Amerika Ədliyyə Nazirliyi qeyd edib ki, Rusiya Federasiyasının hərbi sənayesi üçün yüksək dəqiqlikli dəzgahların qeyri-qanuni alınması şəbəkəsi ilə bağlı müvafiq vəsait müsadirə edilib.


“Bu transfer Ukraynaya açıq şəkildə kömək məqsədi ilə ABŞ-dan xarici müttəfiqə edilən ilk transferdir”- bəyanatda deyilir.

ABŞ nazirliyi əlavə edir ki, Estoniya bu vəsaiti dəfələrlə raket hücumlarının hədəfinə çevrilmiş Ukraynanın enerji paylama və ötürmə sisteminə dəyən ziyanın qiymətləndirilməsi və kritik təmir işlərinin sürətləndirilməsinə yönəlmiş layihə üçün istifadə edir.


Xatırladaq ki, 2023-cü ilin oktyabrında Aİ və ABŞ Rusiyanın dondurulmuş aktivlərindən əldə olunan gəlirləri Ukraynaya keçirmək niyyətlərini təsdiqləyiblər.

Aysel

Sfera.az