Nyu-York məhkəməsi ABŞ-ın keçmiş prezidenti Donald Trampı fırıldaqçılıqda və dələduzluqda təqsirli bilib.

Sfera.az bildirir ki, məhkəmə Trampa 355 milyon dollar cərimə və bəzi məhdudiyyətlər tətbiq edib.

Jurnalistlərin fikrincə, cərimənin ödənilməsi Trampın bütün nağd aktivlərini silsə də, bu, onu müflis etməyəcək. Belə ki, Trampın sərvətinin böyük hissəsi daşınmaz əmlakla bağlıdır.

Məhkəmə həmçinin, siyasətçinin biznesi üçün təhlükəli olan geniş çeşidli cəzalar verib. Həm də Tramp eyni vaxtda dörd cinayət işi üzrə ittiham olunur.


Məlumata görə, hakim Enqoron Trampa 3 il müddətinə Nyu Yorkdakı hər hansı bir şirkətdə, o cümlədən öz “Trump Organization”da rəhbər vəzifə tutmasını qadağan edib. O, həmçinin Trampın yetkinlik yaşına çatmış oğullarına iki illik qadağa qoyub. Onlara 4 milyon dollardan çox cərimə təyin edilib.

"Onlardan biri Erik Tramp şirkətin faktiki baş icraçı direktorudur və bu qərar ailə üzvlərindən hər hansı birinin yaxın gələcəkdə biznesi idarə edə biləcəyini sual altına qoyur"- materialda deyilir.

Hakim Trampı və digər müttəhimləri illərdir öz səhvlərini etiraf etmək istəmədiklərinə görə də tənqid edib. O, Donald Trampın zorakı cinayətlər törətmədiyini qeyd edib, lakin səhvini etiraf etməməyin də yanlış olduğunu bildirib. Baş prokuror Letitia Ceyms bildirib ki, hakim həmçinin Trampa yüksək dərəcəli faiz təyin edərək, keçmiş prezidentin cəriməsini 450 milyon dollara çatdırıb.


Jurnalistlərin sözlərinə görə, Tramp məhkəmənin qərarından apellyasiya şikayəti verəcək. Trampın vəkillərindən biri Alina Habbanın dediyi kimi, hökm açıq-aşkar ədalətsizlikdir. O, Apellyasiya Palatasının qərarı ləğv edəcəyinə ümid edir.

Aynil