“Asteriks və Obeliks”, “Budaqlar”, “Uduzanlar” və digər filmlərdəki rolları ilə tanınan 75 yaşlı fransız aktyor Jerar Depardye yenidən cinsi təcavüzdə ittiham olunur.

Bu, fransız aktyorun birlikdə işlədiyi qadınlara qarşı cinsi təcavüzdə şübhəli bilindiyi ilk hal deyil. İlk ittihamlar 2018-ci ildə qəbul edilib, lakin ildən-ilə daha çox qadın oxşar ifadələrlə hüquq-mühafizə orqanlarına müraciət edir. Ötən ilin sonlarında Depardye tərəfindən cinsi qısnamalara məruz qaldığını iddia edən aktrisalardan biri intihar edib.

Sfera.az bildirir ki, cinsi qısnamanın yeni qurbanı yanvar ayının əvvəlində daha bir bəyanat yazıb.

Yanvarın 9-da yeni zərərçəkənin dediyinə görə, hadisə 2014-cü ildə Parisdə aktyorun evində, “Anje” filminin çəkilişləri zamanı baş verib.

Həmin vaxt 24 yaşı olan gənc qadının (adının açıqlanmasını istəmədiyi) dediyinə görə, aktyor Parisdəki şəxsi malikanəsində ilk görüşdən onun ombasına toxunub və nalayiq ifadələr işlədib.


Hazırda istintaqın davam edir. 75 yaşlı aktyora qarşı cinayət işi açılıb.

Hadisəyə Jerar Depardyenin vəkili də münasibət bildirib. O, aktyora qarşı növbəti şikayəti mətbuat vasitəsilə öyrəndiyini deyib. Bununla belə, o, müvəkkilinin davam edən digər məhkəmə işlərində olduğu kimi, cinsi zorakılıq kimi təsnif edilən bütün faktları qqəti şəkildə inkar etdiyini xatırladıb.

Aysel

Sfera.az