İran yeni hava hücumundan müdafiə sistemlərini təqdim edib.

Sfera.az xəbər verir ki, bununla bağlı İranın rəsmi xəbər agentliyi olan İRNA məlumat yayıb. 

Məlumata görə, İran bu gün yerli istehsal olan “Arman” antiballistik raket sistemi və “Azaraxş” aşağı hündürlükdə hava hücumundan müdafiə sistemi də daxil olmaqla yeni silahlarını nümayiş etdirib.

İki avtomobilə quraşdırılan sistemin açılış mərasimi İranın müdafiə naziri Məhəmməd Rza Aştianinin iştirakı ilə baş tutub.

"Ölkənin müdafiə şəbəkəsinə yeni sistemlərin tətbiqi ilə İran İslam Respublikasının hava hücumundan müdafiə qabiliyyəti əhəmiyyətli dərəcədə artacaq", - İRNA bildirib.

Qeyd edilib ki, “Arman” raket sistemi eyni vaxtda 120-180 km məsafədə altı hədəfə qarşı müdafiə yarada bilir, “Azaraxş” raket sistemi isə 4 atışa hazır raketlə 50 km məsafəyə qədər hədəfləri aşkar edərək məhv edə bilir. 

Xatırladaq ki, ötən ilin iyun ayında İran yerli istehsalı olan ilk hipersəs ballistik raketi- 1400 kilometr mənzilli “Fəttah”ı təqdim edib.

Firuzə Əliyeva