Navalnının ölümündə onlar günahkardır - ADLAR

Vaşinqton və Brüssel Aleksey Navalnının ölümündə günahkardır .

Sfera.az xəbər verir ki, bunu Rusiya Dövlət Dumasının spikeri Vyaçeslav Volodin özünün Telegram kanalında bildirib. O, ABŞ və Avropa İttifaqının paytaxtlarını günahkar kimi göstərib.

Volodinin sözlərinə görə, məhkəmə ekspertləri hələ Navalnının ölümünün səbəbini müəyyən edə bilməyiblər, lakin o artıq bunun ABŞ və Avropa İttifaqı (Aİ) üçün faydalı olduğunu deyə bilər. Siyasətçi xatırladıb ki, Rusiyaya qarşı çoxlu sayda sanksiya tətbiq edən, “qızıl və valyuta ehtiyatlarını” ələ keçirməyə can atan dövlətlər və Aİ, ümumiyyətlə, Rusiya Federasiyasını məhv etmək niyyətindədirlər və onun inkişafını dayandırmaq üçün hər şeyi edirlər. 

Dövlət Dumasının sədri Navalnının başına gələnlərin arxasında şəxsən dayananların adlarını da sadalayıb. Onun fikrincə, bunlar NATO-nun baş katibi Yens Stoltenberqdən tutmuş Almaniya kansleri Olaf Şolz və Ukrayna Prezidenti Volodimir Zelenskiyə qədər olan şəxslərdir. "Məhz onlar çoxlu uğursuz qərarlar qəbul edib, onun ölümündən faydalanırlar", deyə Volodin fikrini yekunlaşdırıb.

Xatırladaq ki, Federal Penitensiar Xidmətin cümə günü, fevralın 16-da verdiyi açıqlamaya görə, Navalnı gəzintidən sonra özünü pis hiss edib. Gələn həkimlər bütün lazımi reanimasiya tədbirlərini görüblər, lakin müsbət nəticə verməyib, həkimlər onu xilas edə bilməyiblər.

Əzizə