“Liverpul”un hücumçusu yanvar ayının ən yaxşısı seçildi 

"Liverpul"un portuqaliyalı hücumçusu Dioqo Jota İngiltərə Premyer Liqasında yanvar ayının ən yaxşı oyunçusu seçilib.

Sfera.az xəbər verir ki, Jota 2020-ci ildən "Liverpul"da çıxış edir. Hücumçu karyerasının əvvəlində "Vulverhempton"un rənglərini geyinib. Yanvarda Premyer Liqanın üç oyununda portuqaliyalı üç qol vurub iki məhsuldar ötürmə edərək "Liverpul"a üç qələbə qazandırıb. Qələbələr “Nyukasl”, “Bornmut” və “Çelsi” üzərindədir.

Qeyd edək ki, Liverpul bu mövsüm Premyer Liqanın 24 turundan sonra "Mançester Siti"ni iki xal qabaqlayaraq turnir cədvəlində birinci yerdə qərar tutub. 

Daxili çempionatın növbəti oyununda Yurgen Kloppun yetirmələri səfərdə “Brentford”la qarşılaşacaq. Oyun bu şənbə, fevralın 17-də baş tutacaq. 

Fatimə Lətif