Qatıq tərkibində vitaminlər və kalsium olan, arıqlamaq istəyənlər üçün münasib yeməkdir. Pendir və başqa süd məhsullarından daha az kaloriyə malikdir. Onu desert kimi də yemək olar.

Sfera.az xəbər verir ki, deyerler.org-un yazdığına görə, bu qidanın tərkibində olan protein aclığa uzun zaman davamlıdır. Müxtəlif tədqiqatlar göstərir ki, kalisum çatışmalığı ilə çəkinin artması arasında əlaqə vardır. Son tədqiqatlar da göstərir ki, qatıq yeyənlərin qarın nahiyəsində daha az piy qatı yığılır. Yəqin bilirsiniz ki, kök olmaq ürək xəstəliklərinə yol açır. Bu tədqiqatlar 4 il ərzində aparılıb və o nəticəyə gəlinib ki, hər gün içilən bir stəkan qatıq çəkini 400qr azalda bilir. Qatığın tərkibində olan kalsium piy qatını əridir və piy qatının yığılmasına mane olur.

Qatıq diabet xəstəliyi ilə də mübarizə aparır. Son zamanlar aparılan tədqiqatlar göstərir ki, süd məhsulları ilə diabet xəstəliyi arasında rabitə vardır. Çünki onların tərkibində yağ azdır. Aparılan tədqiqatlar göstərir ki, gündəlik yeməklərinin üçdə birini süd məhsulları təşkil edən insanlar daha az bu xəstəliyə düçar olurlar. Lakin bunun üçün hər gün süd məhsulu qəbul etmək lazımdır.

Qatıq qan təzyiqini aşağı salır. Son tədqiqatlar göstərir ki, qatıq məhsullarının tərkibində olan peptidlər qan daralmalarının qarşısını alır. Ona görə də qatığı yemək menyularına daxil edənlər qan təzyiqindən az əziyyət çəkirlər.

Qatıq xərçəng xəstəliyi ilə mübarizə aparar. Xərçəng xəstəliklərini müayinə edən beynəlxalq cəmiyyət elan etmişdir ki, süd məhsulları xərçəng riskini azaldır. Tərkibində olan kalsium, D vitamini və süd fermentləri bu xəstəliyin qarşısını ala bilir.