Azərbaycana avtomobil idxalı azaldı – SƏBƏB
Bu ilin yanvarında Azərbaycana avtomobil idxalında azalma müşahidə edilib.
Sfera.az xəbər verir ki, ötən ilin yanvarında 6 881 avtomobil idxal edildiyi halda, bu ilin yanvarında idxal 6 191 ədədə geriləyib.
Avtomobil idxalında azalma yalnız benzin, dizel və ya təbii qazla işləyən minik avtomobillərində qeydə alınıb.
Hibrid mühərrik sisteminə sahib olan və yalnız elektriklə işləyən avtomobillərin idxalında, eyni zamanda yük maşınlarının, xüsusi təyinatlı avtomobillərin idxalında artım qeydə alınıb.
Ötən ilin yanvarında idxal edilən minik avtomobillərinin 5 406 ədədi yalnız daxili yanma mühərriki olan avtomobillər, 933 ədədi hibrid, 119 ədədi elektrik mühərrikli avtomobillər olub.
Bu ilin yanvarında idxal edilən minik avtomobillərinin isə 4 717 ədədini yalnız daxili yanma mühərriki olan avtomobillər, 1 235 ədədini hibrid, 239 ədədini elektrik avtomobilləri təşkil edib.
2024-cü ildə idxal edilən yük avtomobillərinin sayı 376 ədəddən 495 ədədə, xüsusi təyinatlı avtomobillərin sayı 27 ədəddən 33 ədədə qədər artıb. Avtobusların idxal sayı isə əvvəlki ilin yanvarında olduğu kimi 20 ədəd olub.
Göründüyü kimi, bu il avtomobil idxalının azalması yalnız benzin, dizel və ya təbii qazla işləyən minik avtomobillərində müşahidə edilib. Bu fakt göstərir ki, alıcılarda hibrid və elektrik avtomobil modelərinə maraq artıb.
Vasif
