"Avtobus yollarından istifadə edən avtomobillər cərimələnməsin" - Siyavuş Novruzovdan TƏKLİF

“Şəhərdə artıq 3 yol müəyyənləşib: avtobus, velosiped və digər avtomobillər üçün nəzərdə tutulanlar”.

Sfera.az xəbər verir ki, bunu Milli Məclisin 16 fevral 2024-cü il tarixli iclasında “Avtomobil yolları haqqında Azərbaycan Respublikasının Qanunu"nda dəyişiklik edilməsi barədə Azərbaycan Respublikası qanununun layihəsinin müzakirəsi zamanı millət vəkili Siyavuş Novruzov deyib:

“Əgər avtobus yoludursa, bu, mütəmadi boş saxlanılır. Digər maşınlar daxil olan kimi cərimələnirlər. Bunu elə etmək olar ki, avtobus olmayanda digər avtomobillər də o yollardan istifadə etsin. Gələcəkdə tramvayların çəkilməsi ilə bağlı müzakirələr gedir. Yaponiya, Cənubi Koreya və BƏƏ-də uçan taksilərdən istifadə edilməsi danışılır. 2 il ərzində həmin ölkələrin səmalarında uçan avtomobillər görəcəyik. Bu istiqamətlərdə düşünməliyik. Yeraltı nəqliyyatdan bəhrələnməliyik. Eyni zamanda, ödənişli yollardan sui-istifadə edilməməsi üçün ictimai qınağa ehtiyac var. Biri avtomobili əks istiqamətdə sürür, biri 200 sürətlə sürür və çəkir, sosial şəbəkədə paylaşır. Elə adamlara küçələri süpürtdürmək lazımdır ki, ağıllansınlar. Başqa insanların həyatlarını təhlükəyə atırlar”.

Firuzə Əliyeva