Çörək kökəltmir, sağlamlığa ziyan deyil - Diyetoloq yanlış iddiaları rədd etdi

Britaniyalı dietoloqlar Helen Bond və Azmina Govindji bildiriblər ki, çörək bir çox insanda şişkinliyə səbəb olmur. Həmçinin, bu məhsul çəki artımının birbaşa səbəbi deyil.
 

Sfera.az "Daily Mail"ə istinadən xəbər verir ki, mütəxəssislər bir çox insanın kilo alması və şişkinliklə bağlı narahatlıqlar səbəbiylə çörəyi pəhrizindən çıxardığını söyləyiblər. Diyetoloqların sözlərinə görə, çölyak xəstəliyi (taxıl zülalına, qlütenə qarşı dözümsüzlük) yüz nəfərdən birində baş verir. Buğda bəzən həssas bağırsaqları olan bəzi insanlarda şişkinliyə səbəb ola bilər. Bununla belə, çörək əksər insanlar üçün təhlükəsizdir.
 

Zavodda qablaşdırılan çörək ultra emal olunmuş qida məhsulu kimi təsnif edilir. Bununla belə, bütün çörək növləri emulqator və konservantların olmasına baxmayaraq sağlamlığa mənfi təsir göstərmir. Qeyd edilib ki, kəpəkli çörək balanslaşdırılmış pəhrizə əla əlavə ola bilər.
 

Qidalanma mütəxəssisi Əzminə Qovindji də bildirib ki, supermarketlərdə satılan təzə taxıl çörəyindən qorxmaq lazım deyil. Çəki almamaq üçün çörəyi ölçülü yemək vacibdir. Lifi az olan ağ çörəyi sevənlər onu günəbaxan tumları ilə yeyə bilərlər. Bu, bədəni lazımi pəhriz lifi ilə təmin edəcək.
 

İnci